當叉燒由窗口追出去時，只見到捉左小小既人身法快如閃電，係樹上跳黎跳去，如履平地。叉燒駛出牛油微步，速度已接近極限，但係都唔可以將雙方距離拉近。而小蝦米續漸被神秘人同叉燒拋離。此時小蝦米對叉燒說：「叉燒，佢太快喇，我追唔到架喇，你繼續追佢，我返轉頭班救兵！」叉燒點頭示好之後就全神貫注追上去。

　　追逐持續左半個鐘，叉燒由巴曲山莊追到去另一個小鎮，由地下追到上屋頂。叉燒發覺對方慢左落黎，但係自己鞋底既牛油亦差唔多冇晒令到速度都減慢左。神秘人終於停低，叉燒同神秘人都有一段距離，睇唔到神秘人個樣，而叉燒又唔敢亂咁上前，驚神秘人會偒害小小。

　　叉燒周圍望下，發覺呢個小鎮五光十色，都差唔多半夜，但係都人來人往，熱鬧非常。

　　神秘人開口說：「你都幾好野，可以跟到我咁耐！」

　　叉燒說：「你咪仲好野，抱住小小都仲可以咁快，我追極都追唔到你，只係可以跟住，如果你唔係抱住小小，我一早就比你拋甩。唔．．．講返正題！你做咩捉走小小？」

　　神秘人答：「哦，原來呢條女叫小小，我捉佢黎呢度只係想你幫我做一件事。」

　　叉燒說：「你捉我朋友係為左要我幫你做野？！」叉燒嬲到想衝上去，但係小小係佢手上又唔敢亂黎，再說：「要我幫你做野都得，放左小小先再講！」

　　神秘人說：「你都傻既，我放左佢你仲會答應我？」

　　叉燒說：「就算我答應幫你做野，做完野之後點知你會唔會放左小小呀！」

　　神秘人說：「我地D出黎行既係講口齒，你幫完我，我就一定會放左佢。」

　　叉燒冇計可施，小小又係佢手上，迫於無奈地說：「你好卑鄙，講！你要我幫你做D咩？」

　　神秘人說：「唔好咁心急，一陣我D靚會帶你黎搵我架喇。」神秘人講完一吹口哨，就有兩個人飛左出黎企係叉燒前面。

　　叉燒推開前面二人一睇，發覺神秘人同小小已經唔見左。叉燒嬲到即時一手捉住擋係佢前面既其中一個人條頸問：「快D講，你地帶小小去左邊？」

　　被捉住頸既人說：「唔好咁衝動，你個朋友唔會有事既。」

　　叉燒說：「你地話到事咩？究竟要我做咩？快D講！」

　　另外一個就說：「你放左手先啦，佢就黎斷氣喇！」

　　原來比叉燒捉住既人雙腳離地，面部發紫，就黎斷氣。叉燒冇諗住放手，想殺左佢，但係一諗到小小會有危險，無可奈何地放手，之後就跟住佢地行。

＊ ＊ ＊

　　小蝦米返到巴曲山莊，就同巴曲莊主講頭先發生既事，巴曲莊主立刻派人四圍打探消息，而小蝦米便跟住叉燒駛出牛油微步時淨低既牛油痕跡跟上去。小蝦米跟住D痕跡行，心諗：「唔知叉燒追唔追到個神秘人呢，跟左咁耐都唔見叉燒，唔會連叉燒都有事掛！‥‥唔會有事既，叉燒一身牛油神功，但係‥‥弊！呢個方向咪係去玫瑰坊，個神秘人捉小小去果度做咩呀？要快D追上去先得。」小蝦米加快腳步追上去。

　　“玫瑰坊”，一個龍蛇混雜既地方，所有非法勾當既事都可以係呢度搵到，重係一個朝廷都管唔到既地帶，正因為朝庭管唔到呢度，所以「撈偏」可以搵到好多錢，所有黑道人物都想係呢度發財。而玫瑰坊就由一位楂刀人話事，而楂刀人可以控制晒成個鎮既事，所以好多人都想爭做楂刀人。而廿多年來，玫瑰坊既楂刀人都係由新界義務安全組既龍頭兼漁業總會主席–有「白色小背心」之稱既「李彩樺」擔任，但係到左上年，李彩樺係家中俾人發現佢死係茅廁，頭部浸係載滿夜香既馬桶，臀部向天，經忤作驗屍發現死前曾經被人強行進入後庭，肛門裂開死狀恐怖。至今仲未搵到兇手。

　　楂刀人死後玫瑰坊一片混亂，發生好多大大小小既開片事件，令到所有非法事業陷於癱瘓。各黑幫為左利益著想，開左一個大會，提出要選出新一位楂刀人，而候選人就由玫瑰坊有實力既人黎做，最後就有三人被提名。

　　而三位後選人當中有兩位係大熱人選，第一位係玫瑰坊既色情巨子，亦係玫瑰坊做左十幾年妓院生意，擁有玫瑰坊五成五既色情場所大老細「花心基」。另一個係由上年先至開始係玫瑰坊打滾，但已經手持三成五色情場所既「揚歌仙子」。最後一位係開煙檔既「矮仔森」。係呢次選楂刀人事件，就實有人開賭，盤口係買矮仔森既一賠十，揚歌仙子就一賠二，花心基一賠一點五。

　　而揚歌仙子對咁既盤口唔滿意，所以時常搵人搗亂花心基D場，但係花心基都不甘示弱，作出多次反撃，更派人去起揚歌仙子既底細，睇下佢點解突然係玫瑰坊出現又咁快撈得咁掂。

＊ ＊ ＊

　　叉燒跟住帶路果兩條友去到一間妓院，樓上樓下燈火輝煌，金字大願，上書“歌姬院”。叉燒入到妓院時周圍望，睇見有好多女人排住隊歡迎叉燒，而叉燒一心只想快D救走小小，就問帶路二人：「究竟你地要帶我去邊呀？」

　　帶路二人冇答到叉燒，只係指向二樓既其中一間房。叉燒只好行上去，去到一開門就見到一個著住歌姬服飾既男人坐左係到，呢個男人開口說：「你終於黎到喇！」

　　叉燒認得呢把聲係捉走小小既神秘人，但係睇到呢個男人既造型就呆左咁企係度。跟住帶路既其中一個入到黎就說：「呢個就係我地大佬揚歌仙子。」

　　叉燒聽見介紹之後就說：「小小呢？究竟小小係邊？」

　　揚歌仙子說：「你放心，你做完我要你做既野我就會放左佢架喇。」

　　叉燒說：「成日話要我幫你做野，究竟要我做D咩？」

　　揚歌仙子：「你咁心急做乜，黎，等我叫我呢度最紅既姑娘陪下你。」揚歌仙子講完就拍一拍手，係佢後面屏風有個女人走出黎。

　　叉燒嬲到青根暴現說：「你玩野呀，快D講呀！」

　　揚歌仙子氣定神閒地說：「哦，唔鐘意呢個呀，唔緊要，我今晚冇開門做生意，特登留晒D女俾你，睇o岩邊個就攞去啦。」

　　叉燒已經忍唔住喇，撲上去一掌打出，揚歌仙子身法奇快，叉燒只係打中揚歌仙子既殘影，原來揚歌仙子己經閃左去叉燒後面，叉燒轉身再出一拳，都係只打中揚砍仙子既殘影。

　　呢個時候叉燒聽到揚歌仙子講：「唔好再打喇，你想知我要你做咩，我而家就講俾你知。」揚歌仙子講完就揮一揮手示意清場。

　　房中得番叉燒同揚歌仙子兩人，揚歌仙子說：「我要你去殺一個人。」

　　叉燒冷靜下來說：「殺人？殺邊個？」

　　揚歌仙子答：「你要殺既人叫花心基。」

　　叉燒疑惑地問：「花心基？係邊個？點解要殺佢呀？」

　　揚歌仙子說：「佢係第二間妓院既老細，而殺佢既原因你唔駛知，你去殺左佢就得喇。」

　　小小係揚歌仙子手上，叉燒只好照佢既說話做。叉燒係揚歌仙子口中得知花心基依家係玫瑰坊最大既妓院花心院，就起程去殺佢。

　　當叉燒行左人之後，之前帶叉燒黎呢度果兩條友就入左房，手下甲說：「大佬你呢招借刀殺人得唔得架，頭先條友真係可以殺到花心基？」

　　揚歌仙子說：「佢係牛油門掌門人牛油森既徒弟，又係錦輝崗殺左蔡魔頭兩個愛妾。咁你話佢殺唔殺得到花心基丫。」

　　手下乙就說：「大佬你點解知得咁清楚？」

　　揚歌仙子眉頭一皺，用大笑遮掩說：「哈哈哈哈，我梗係知啦，唔係點會搵佢返黎呀，你呀，咁多野問，而家即刻同我跟住佢，睇下佢殺左花心基未呀！快！」手下乙就慌慌張張咁跟住叉燒走左。

　　手下甲就拍馬屁地說：「大佬你真係好野，到左後日選楂刀人時咪少左個人同你爭，大佬你實做硬楂刀人呀！最好係佢地兩敗俱傷添呀！」

　　揚歌仙子對手下甲再說：「你而家去隔離房帶條女去後院個柴房收埋佢，比佢走甩就大獲。」手下甲就行去隔離房將小小帶去柴房。

＊ ＊ ＊

　　小小俾揚歌仙子捉黎歌姬院時己經醒左，為左全安全起見繼續扮暈，但係雙手雙腳都被挷住，個口仲比野塞住，所以叉燒黎到時小小只可以聽見隔離房既對話。小小聽到有人行黎時即刻扮番暈，手下甲入到黎時將小小抱去後院既柴房。手下甲放低小小之後就走人，小小周圍睇下有冇野可以幫自己解圍，但係又搵唔到野可以割斷D繩，心灰意冷，只好等人黎救。

　　當小蝦米去到玫瑰坊時就再搵唔到牛油痕跡，又搵唔到叉燒，心急如焚，擔心叉燒同小小會有意外，周圍問人打探，過左一陣之後，問到條友話見到叉燒同兩個人去左歌姬院，小蝦米即刻飛奔趕去。當小蝦米去到歌姬院時，見到冇開舖，就打算由後門潛入打探叉燒同小小既消息。

　　小蝦米去到後門，好小心咁爬牆入去，爬到一半咁o岩比手下甲見到，手下甲說：「你係咩人呀？你想點呀？」

　　小蝦米俾人發現想郁手對付手下甲，但係靈機一動扮傻地說：「我由好遠黎架，我D朋友話歌姬院D女好靚，但係黎到你地又冇開舖，諗住睇下都好，所以咪爬牆睇下囉！」

　　手下甲又懞懞地咁相信小蝦米所講，跟住就話：「哦～係咁呀，你D朋友真好有眼光，我地呢到D女真係好正架，全部都係千挑萬選，見你咁捧場就入黎啦，我介紹條女比你。」手下甲傻傻地咁開左後門比小蝦米入去，小蝦米見唔駛爬牆又有人開門就梗係由門口入啦。

　　小蝦米襯手下甲一擰轉背就一個手刀打落手下甲條頸，手下甲暈低左，小蝦米就拿拿臨拖走手下甲，見到有間房，就諗住拖佢入房收埋佢。點知一開門就見到小小，小蝦米就即刻拖手下甲入柴房費事比人見到，之後就幫小小解開D繩。

　　小小見到小蝦米開心地說：「你黎救我就好喇，我仲以為今次實死，我地快D走，去搵叉燒呀，佢為左救我去左殺人，唔知佢會唔會有危險，我地要去阻止呀。」

　　小蝦米驚訝地說：「０下！？佢去殺邊個呀？唔好講咁多先，我地離開左先講。你行唔行到呀？」

　　小小說：「行到，我地快D走啦！」

　　小蝦米同小小一行出門口就聽到後面有把聲，「真係冇用，咁都可以比佢走甩，咩都要我出手。」

　　小小驚慌地說：「係揚歌仙子呀，我地快D走呀！」

　　揚歌仙子說：「走，邊有咁易呀。」

　　揚歌仙子身影飛快，就擋住左佢地既去路。

　　黃昏過後，小小在家中煮好晚飯同叉燒小蝦米一齊食，食飯其間，小蝦米發覺氣氛唔多妥，叉燒同小小一句聲都冇出過，食完飯都係咁，小蝦米問佢地兩個做乜，但係兩條友都答到神話西遊咁，小蝦米一時間都唔知點好。

小蝦米呢幾日都訓得唔好，加上搵返叉燒，所以食完飯就好快訓著。叉燒整晚都係等呢個時候，當小蝦米訓著後叉燒就叫左小小出外。

叉燒說：「小小，我一定要問清楚妳，究竟點解妳要推我落谷？」

小小都知道叉燒會咁問，所以決定講清楚，小小說：「我都知你會問，我師父係藥王神醫「果醬妹」，係師父臨過身前吩咐我殺死牛油森連佢既傳人都要殺。」

叉燒一頭霧水地說：「妳咁講我仲唔明，我師父同妳師父有乜過節呀？」

小小說：「呢層我都唔清楚，我師父對有個牛字既野都好憎，有次我問佢點解咁憎牛，點知比佢打到我飛起，佢話以後都唔好問。」

叉燒好憤怒地說：「妳唔知佢同我師父有乜仇，妳咁都落得手？如果佢叫妳殺死自己父母你會唔會殺丫！妳師父叫妳殺人妳就殺，妳有冇腦架？不知所謂！」

小小雙眼流出兩行淚水，掩面奔向竹林。叉燒好嬲，唔理小小返回屋內，過左一陣，叉燒心諗：「頭先係唔係過份左呢？」叉燒決定出去搵小小。

叉燒係竹林內搵左一陣，都搵唔到小小，就行去深谷。叉燒去到深谷見到小小坐係舊石上，叉燒行上前說：「小小。」

小小冇理叉燒，叉燒再說：「對唔住，我頭先語氣重左。」

小小聽見叉燒道歉立即說：「你唔駛道歉，我比你鬧係應該既。」

兩人沉默左一陣，叉燒坐係小小隔離，二人抬頭望著月色，叉燒望一望小小，小小雙眼反射月亮既光芒閃閃發亮，如絲的秀髮被微風吹動，而面上有一種淒慘既感覺，叉燒呆呆地望住小小不由得癡了。

小小望一望叉燒，二人眼神接觸，心臟跳動加快，小小面頰通紅，仿如一個剛熟透了的紅萍果，二人不約而同即刻望去第二度。

又再沉默，叉燒感到氣氛很尷尬，決定打破沉默說：「小小，妳點解會做左神醫既徒弟既？」

小小說：「我聽師父講，我仲係BB既時候，我住o個條村發生瘟疫，師父咁o岩經過救左我，而我父母就係師父黎到之前就死左。師父見我父母死左，就收養我，教我醫術。」

叉燒說：「乜原來妳都係孤兒黎架！」

小小驚訝地說：「你都係？」

叉燒說：「係，我都係BB既時候比我義父收養。」

小小說：「你義父叫乜名？」

叉燒答：「我義父叫苗蛇，佢係一個捕快，但係個幾月前佢比蔡魔頭捉左，可惡既蔡魔頭，我一定唔會放過佢。」

小小驚疑說：「苗蛇是你的義父？」

叉燒點了一下頭。

小小說：「我知道他！他是六扇門裏的四大名捕之一，他恨的是亂臣賊子，盜匪小人。這些年來，被他偵破的巨案，已不知有多少。」

小小知道這個人，而且一向很佩服這個人。她一向佩服正直的人。

叉燒的眼睛亮了，每當別人稱讚苗蛇時，他都有一種自豪的感覺。

小小又說：「不過，我也知道他是為了避禍才到一個小鎮裡當捕快的呢。」

叉燒驚訝地問：「為什麼妳會知道這件事？」

小小解釋：「其實這些事都是師父對我說的，但也是很久前的事了，他說你義父曾經在這裡待過一些日子。」

叉燒緊張地說：「我義父曾經在這裡待過？為什麼？他那時受了傷嗎？」

小小說：「不知道，師父沒有說。但....這些都是我們出生之前的事了。」

叉燒說：「唉．．．只希望義父現在平安就好了。」

小小看著叉燒，看著他目中的憂慮之色．心裏忽然有種說不出的感受。

小小安慰叉燒說：「你放心啦，佢咁正義，老天爺一定會保佑佢既。」

叉燒說：「我都希望係咁。我聽日就起程去搵我師叔，不如妳同埋我一齊去，問下師叔佢知唔知我地師父發生D咩事。」

小小說：「都好，我都想知道發生咩事，點解我師父咁憎你師父。」

他們沿著小路慢慢走回去。

他們竟完全沒有發覺暗中有個人一直在跟著。

這個人的眼睛充滿了怨毒和嫉妒，若是目光能殺人，他們早已死在路旁。

直等他們走遠這人才慢慢走出來咬著牙，喃喃道：「狗男女．．．你們一定會後悔，我總有一天要叫你們後悔，爲什麽不早點死掉，我要叫你們活得比死還痛苦十倍！」

他語氣中雖充滿了怨毒，但卻還是很平靜。

在這種時候，還能保持平靜的人，就表示只要他說出的話一定做得到。

第二朝，小蝦米起身看見叉燒同小小有講有笑地一齊煮早餐，覺得好奇怪地說：「你地兩個琴晚發生D咩事，關係好左咁多？」

叉燒同小小互望一下，跟住叉燒說：「冇事發生呀。你唔好亂諗啦！」

小小和言說：「係囉，我地乜事都冇發生，你以為我地可以發生D乜事呀！」

小蝦米被叉燒同小小既一唱一和，搞到胡里胡塗，說：「冇事發生就好啦，你地唔面阻阻就得喇。」三個人都傻笑起來。

食完早餐，三人就起程去牛油門，離開劉皇谷，經過置樂鎮，看見一大堆人圍住個告示版，小蝦米走去睇下發生乜事，小蝦米行返黎，叉燒問：「有乜事咁多人圍住個告示版呀？」

小蝦米答：「原來巴曲山莊莊主出告示，尋各地名醫藥方，仲話重酬喎。」

小小問：「安定鎮o個個巴曲山莊？」

小蝦米答：「係。」

叉燒滿面疑問，說：「巴曲山莊？」

小蝦米驚訝地大聲說：「巴曲山莊你都唔知！」

圍住告示版D人聽到有人竟然未聽過巴曲山莊，都望住叉燒，叉燒尷尷尬尬面紅紅地說：「死仔，你駛唔駛咁大聲呀！我唔知先問你，你咁大聲把鬼咩！」叉燒由細到大都未離開過兆安鎮，所以對外界既事知得好少。

小蝦米道歉說：「對唔住，真係對唔住，我都係出奇竟然有人未聽過巴曲山莊先會咁大聲。」

叉燒憤怒地說：「未聽過咪未聽過囉，巴曲山莊有乜咁巴閉！」

小蝦米說：「巴曲山莊真係幾巴閉o架，係全國十大富翁之一，簡直係富可敵國，而莊主叫黎棟棟，佢有個別名叫安定暴力人，平時無乜野，但係一嬲起上黎就唔係人咁品。」

叉燒鬥氣說：「哦，佢咁有錢架，但係未聽過就未聽過，走喇，要趕路呀。」

小蝦米遊說叉燒說：「叉燒你唔好咁啦，頭先真係對唔住，還掂我地去牛油門都要經過安定鎮，不如我地去睇下啦，況且我地仲有個神醫小小係度，醫好左個莊主，可能有好多錢架。」

小小即刻說：「小蝦米你唔好搵我過橋呀，不過我都想去睇下，叉燒，一於去睇下啦。」

叉燒見小小都咁講，就答應去巴曲山莊，其實叉燒心裡都想去參觀。

巴曲山莊位於安定鎮近郊，門外的石階長而寬闊，平亮如鏡。叉燒甚至能在上面照見自己的臉。

他們已經坐在石階上等了大半個時辰，才忍不住從旁邊的門走進去，問剛才替他開門的那個傲慢自大、眼睛長在頭頂上的門房；「你說你已經派人去通報了？」

門房；「嗯。」

小小忍住氣問：「爲什麽直到現在還沒有消息？」

門房裏的大爺斜眼看著她，皮笑肉不笑地哼了一聲，冷冷地問：「妳知不知道從這裏到大廳來回走一趟要走多久？」

小小搖頭。

小蝦米本來一拳可以打爛這位大爺的鼻子，但是他忍住了。

「你不知道，我告訴你，從這時到大廳，就要走半個時辰。」門房大爺冷笑：「這裏是全國十大首富的山莊，和別的山莊是不一樣的。」

叉燒他們只有再繼續等下去。

從這裏根本看不到莊內的情況，一幅用彩瓷砌成九條以麒麟的高牆，完全擋住了他的視線，牆後人聲寂寂，連一點聲音都聽不見。

他們又等了很久，裏面才有個五十來歲巴曲頭既男人走出來，對他們揚手。

巴曲男人說：「咁請三位入黎先，我係呢到既管家，你地叫我黎管家就得。」

三人由管家帶路，高牆後是個很大很大的院子，一路上看見所有人，樹同動物，頭頂都變左巴曲頭。之後去到中央大屋前院。

到了這種地方，三人才能真正瞭解富貴和權勢的力量，心裏就會不由自主升起一種敬畏之意。

管家說：「三位請等一等，莊主見緊另一位大夫，三位係到坐一陣先，我去備茶。」

叉燒說：「有勞管家。」

管家走左之後，小小說：「呢到都好奇怪喎，所有野係係巴曲頭？」

叉燒同小蝦米點頭附和，此時管家端出三杯茶，管家說：「三位係咪覺得好奇怪，點解呢到所有野都係巴曲頭呢！」三人點頭說是。

管家繼續說：「因為我家莊主係巴曲頭，所以全莊上下所有野都要係巴曲，所為崩口人忌崩口碗丫麻。同埋你地一陣千其唔好係莊主面前撥頭髮呀！雖然你地係客人，但係莊主會控制唔住，後果自負呀。」

三人聽完管家既說話，都諗係唔係唔應該黎呢。之後就聽到大廳傳出大叫，跟住就走左個巴曲頭男人出黎，三人見此人o者住個頭狂奔而去。管家笑淫淫地說：「又黎一個白撞，想混水摸魚，俾莊主教訓，三位，到你地喇，請。」

三人行入大廳，管家說：「莊主，呢三位都係為左告示而黎。」

巴曲莊主身上零零碎碎也不知掛了多少東西，每件東西的價值，都絕不會在千金之下，面前一個煙壺，蒼翠欲滴，赫然也不是凡品，富豪的莊主，自有富豪莊主的氣派。

巴曲莊主說：「歡迎三位，高姓大名呀？」

三人各自報上名來，莊主再說：「歡迎，歡迎。請問邊位係大夫？」

小小說：「我係，請莊主伸隻手出黎，我幫你把下脈。」

巴曲莊主申左隻手出黎，跟住說：「原來係女神醫。」

小小把完脈說：「莊主，你脈象雄混，你好健康喎！因咩事要搵大夫呢？」

巴曲莊主面色一沉，目露兇光，小小看見立即縮手，突然莊主又面露笑容，面紅紅不好意思地說：「其實我想知我可唔可以出返D頭髮？」

小小說：「原來係咁。」小小檢查巴曲莊主頭皮，再說：「莊主，我睇過你個頭，應該有辦法可以令你出返頭髮。」

巴曲莊主興奮到彈起說：「真既？真係有辦法？」

小小說：「係真既，不過‥」

巴曲莊主心急地追問：「不過咩呀，神醫？」

小小再說：「不過要醫你既藥材，有D好難搵。」

巴曲莊主說：「好難搵？要D咩藥，好即管講黎聽下。」

小小說：「牛膝一斤。」

巴曲莊主說：「有，我藥庫大把。」

小小再說：「墨旱蓮，補骨脂各一斤。」

巴曲莊主說：「有，通通都有，我仲意為有咩咁難搵。」

小小說：「之前三樣唔算難搵，跟住仲有係千年既赤、白首烏。」

巴曲莊主說：「千年赤首烏我有，但係白首烏未聽過。神醫，係邊度可以搵到。」

小小說：「白首烏生長係雪山之上，傳說話生長過千年既白首烏有靈性，見到人會逃走。所以要搵白首烏係一樣好困難既事。」

巴曲莊主說：「幾難搵我都要搵，管家，你即刻同我去請人搵返黎，越多人越好，搵到既重重有賞。」

管家說：「係既，莊主。」

巴曲莊主再說：「神醫，不如妳同妳既朋友就住係呢度先。」

叉燒說：「莊主，多謝你既招待，但係我地有事要做，唔可以久留。」

巴曲莊主說：「一個星期，就住一個星期啦，黎人，去打掃客房。」

叉燒想開口說不時，小蝦米同叉燒講：「叉燒，就住一個星期啦，你去牛油門都係為左通知你師叔小心蔡魔頭，牛油門有你師叔坐陣唔會有事既。」

叉燒難為地說：「但係‥」

小蝦米說：「唔好但係喇，一於就住一個星期啦。」

叉燒說：「咁好啦。」

叉燒、小蝦米同小小就留係巴曲山莊，到左第三日，巴曲莊主收到搵到千年白首烏既消息，當日夜晚，就已經將千年白首烏送到巴曲山莊。

小小說：「莊主，你吩咐人將所有藥材加水煮成膏狀，之後就敷上頭，每日兩次，敷晒D藥就得。」

巴曲莊主說：「我即刻吩咐人去煮，多謝妳呀神醫。」

小小說：「莊主你唔好再叫我神醫喇，你就叫我小小啦。」

叉燒說：「莊主，你就叫佢小小啦，你叫佢神醫佢仲唔慣。」

巴曲莊主說：「咁我就叫妳小小啦。」

小小說：「莊主，而家都好夜喇，我地返房先。」

叉燒、小蝦米同小小返房途中，小小說：「估唔到巴曲莊主咁快就可以搵到千年白首烏。」

小蝦米說：「佢大把錢，可以請幾多人都得，真係有錢就乜都得。」

叉燒說：「咁樣就可以快D醫返好莊主，我地就可以快D上路。」

小小說：「我到喇，我返房先，聽朝見。」

叉燒同小蝦米一齊說：「聽朝見。」

當小小關埋房門時，叉燒同小蝦米聽見小小叫左一聲，叉燒開門入去，門一開，叉燒只見一團影攬住小小由窗口飛左出去，叉燒同小蝦米立即追上去。

序幕

夏天．黃昏。

一座高山，一處低岩，一道新泉，一株古松，一爐紅火，一壺綠茶，一位老人，一名少年。

少年望著浮現淡淡黃色的天空，突然轉身問老人：「請教師父，現在武林中的年輕高手當中，誰才是最強？」

老人並沒有立即回答少年的問題，只是渴了口剛剛才泡好的茶，過了一會兒，才道：「那麼，你覺得武林最強的年輕高手是誰？」

少年想了一會兒道：「我的義父曾經說過，點蒼派的公子蘇，盡得掌門斷虹子的真傳，他的七七四十九式迴旋風柳劍已經練得爐火純青。會不會是他？」

老人道：「不是。」

少年又道：「會不會是黑洞刀客張天才？聽說他的笑看風雲刀法已經難逢敵手。」

老人道：「不是。」

「我想起來了。」少年說得極有把握：「是狂東！一定是暴力人狂東。」

「也不是」老人道：「你說的這些人雖然都很強，卻不是他們。」

少年問道：「那．．．究竟是誰？」

老人道：「是呂奇。」

「呂奇？」少年驚奇極了：「當今天下最強的年輕高手就是呂奇？」

老人道：「是的。」

沒錯，就是呂奇。

　　小蝦米起床時發現叉燒同小小唔係屋內，於是出外搵佢地，搵到去深谷，看見小小企係谷前，小蝦米望住小小，發覺此時的小小份外美麗，可能之前為救叉燒冇留意小小樣貌。小小長及腰的秀髮隨風飄揚，雖然樣貌不算至美，但係比一般少女出眾，一雙水汪汪的大眼睛，望住谷底，面上氾起一陣悲傷的感覺。

小蝦米問：「小小，企係度做乜，有冇見過叉燒？」

　　小小被小蝦米一問懗了一跳，心諗唔可以比小蝦米知道，驚惶失措地說：「你‥你‥你點會係度！！」

　　小蝦米說：「妳做乜咁緊張呀，發生乜事？」

　　小小鎮定下來說：「叉燒‥叉燒佢跌左落去。」

　　小蝦米震驚地說：「乜話，叉燒跌左落去！點解會咁架？」

　　小小說：「我頭先叉錯腳跌落去，叉燒跳過黎救我，我同佢一齊跌落去o個時，佢推返我上黎，但係佢就跌左落去，而家點算呀！」

　　小蝦米說：「妳屋企有冇繩呀？」

　　小小說：「有就有，但係冇咁長，我而家去買。」

　　小蝦米說：「妳唔好去喇，等我去啦，妳係到等我，我好快返。」

小小在小蝦米離開後，望向谷底自言自語說：「點解你要係牛油森徒弟，唔好怪我，你唔好怪我，怪就怪你師父，我都係師命難違，我都唔想殺你」小小不停自言自語。

小蝦米買完繩返黎，一邊綁住一棵粗竹，另一邊綁住自己條腰，開始扒落谷底，兩個時辰後，小小見到小蝦米上返黎，小小問：「點呀，搵唔搵到叉燒呀？」

小蝦米答：「我未到谷底條繩就用盡，我仲以為可以去到谷底，估唔到呢個谷真係咁深。」

小小說；「咁叉燒咪兇多吉少，我真係對唔住叉燒。」

小蝦米說：「唔會架，叉燒冇咁容易死架，我知佢一定吉人天相，佢一定會冇事，我再去買多D繩返黎，一日去唔到谷底我都唔放棄。」

小小面對著小蝦米感覺到內疚，心裡都希望叉燒吉人天相。

叉燒漸漸有回知覺，從上面既陽光照射下，睇到原來自己跌落一個網到，心諗：「好彩有個網係到，但係點解呢到會有個網？」答案即刻出現，叉燒見到一隻巨大蜘蛛，呢隻蜘蛛每隻腳五尺長，全身都係彩色斑紋。

叉燒心諗：「真係獲獲新鮮獲獲甘，毒又毒唔死，咁高跌落黎都唔死得，而家又要面對咁大隻蜘蛛，真黑仔。」叉燒睇到有野飛埋黎，叉燒向右一閃避開，原來係蜘蛛向叉燒吐絲，跟住蜘蛛走向叉燒，蜘蛛移動速度極高，張開大口飛快撲向叉燒，叉燒向上一跳，跳落蜘蛛背上，叉燒運起牛油神功向蜘蛛頭頂狂轟，每一擊叉燒都好似打落舊石咁，雖然傷唔到蜘蛛，但係蜘蛛都感到痛楚，痛得亂咁掙扎，從網上跌下去，叉燒緊捉著蜘蛛，看見就快跌到落谷底，心諗今次死梗，奇蹟發生，蜘蛛係空中停留，叉燒把握機會跳落地面，然後細看蜘蛛，原來蜘蛛係跌下途中，向崖壁吐出蛛絲，懸掛半空，叉燒見蜘蛛原住蛛絲續漸扒回蜘蛛網。

叉燒係谷底周圍搵出路，搵搵下叉燒覺得非常肚餓，諗返起自己中毒到而家都未食過野，但係四圍都冇野可以食得，唯有繼續行。行下行下叉燒見到前面有個湖，而湖既周圍都長滿好多奇異既植物，叉燒飛快走去飲左幾口湖水，湖水清涼，入口甘甜，叉燒飲完感覺疲勞瞬間消失。但係都係好肚餓，叉燒睇到植物上結左好多果實，叉燒猶豫左一陣，決定食左佢，叉燒揀左一D睇黎可以食得既黎食，D果實味道酸酸甜甜，非常可口，叉燒食左好多。

食完之後，叉燒o既五臟六腑好似比火燒咁，於是叉燒運起內力震壓痛楚，但係痛楚一D都冇減弱，仲令到成個人熱到著火咁，叉燒辛苦到係地上蹗黎蹗去，最後蹗左入湖，湖水既清涼令到叉燒冇咁痛苦，跟住叉燒再運起內力，藉住湖水既幫助驅散熱力。

不久後，叉燒運功驅熱力驅散得七七八八，返上湖邊，然後感覺到體內有一股力量不吐不快，向湖中心打出一掌，湖中心好似被炸咁爆起上黎，水花射上半空，四周崖壁被掌力餘波震得跌下沙石。

叉燒望一望自己隻手，驚訝自己一掌居然有咁大威力，呆呆地企左係到。之後叉燒嘗試運起內力，發覺體內內力十分雄渾。叉燒諗一諗，應該係D野果可以增加內力，決定係呢到練功，增強實力對付蔡魔頭。

叉燒係呢幾日黎不繼食野果練功，練到悶就走去搵隻蜘蛛玩，到左第三日，叉燒又去搵隻蜘蛛，但係今次唔只得蜘蛛咁少，仲多左個人，叉燒望清楚D，原來係小小落左黎，仲比蜘蛛襲擊緊。小小勉強避開蜘蛛攻擊，但係小小腳下一空，失去平衡跌緊落地面，叉燒開頭都冇諗住救佢，但係見佢跌落黎，唔忍心唔救，一跳抱住小小落地。

小小見到叉燒未死，開心到淚水從雙眼流出，攬住叉燒說：「叉燒！？你真係叉燒！太好喇，你仲未死！」叉燒被小小攬住，滿面通紅，一時不知應對。

小小繼續說：「對唔住呀叉燒，我真係好對唔住你，我‥我」小小哭到滿面淚水。

叉燒放開小小問：「點解妳要推我落黎，妳想殺死我？」

小小聽見叉燒一問，小小快速回應：「我都唔想推你落黎！」

叉燒說：「咁點解？」

小小知道叉燒唔知佢為乜野殺佢，亂咁作D解釋說：「我本來想帶你去睇谷前既景色，點知去到我見到你頭上面有隻蜘蛛，我最怕蜘蛛，一時情急之下，向隻蜘蛛灑D迷藥，點知灑中你，隻蜘蛛仲要跳埋黎，我一推就錯手推左你落黎。」

叉燒明知小小講大話，但係見自己又唔死得，仲因禍得福功力大增，所以就唔再追問真正原因，叉燒講笑地說：「上面咁大隻蜘蛛妳咪驚得好緊要？」

小小即刻扮到好驚說：「我梗係驚啦，我驚到腳軟跌埋落黎，好彩你接著我。」

此時小蝦米原住繩扒緊落黎，但係又比隻巨大蜘蛛襲擊，叉燒為免蜘蛛再害人決定消滅佢。叉燒借助崖壁返彈跳上去，小蝦米見到叉燒未死，開心地說：「叉燒，我都知你冇咁容易死。」小蝦米稍停落黎就差D比隻蜘蛛咬中。

叉燒說：「對付左隻野先慢慢講。」叉燒係呢幾日對巨大蜘蛛有所了解，雖然蜘蛛背部堅硬，但係腹部就係佢既至命傷，而且每次走到蜘蛛下面，蜘蛛既本能反應都會好快咁回避。

叉燒諗到個辦法就向小蝦米說：「小蝦米，一陣隻野衝去你到，你就閃去隻野下面。」

小蝦米說：「閃落去做乜呀？」

叉燒說：「你唔好問住，一陣你就明白。」

蜘蛛再次攻擊小蝦米，小蝦米照住叉燒講咁做，閃去蜘蛛下面，蜘蛛瞬間彈開，叉燒睇準時機，極速走去蜘蛛腹部，一下朝天腳踢向蜘蛛，蜘蛛黎唔切反應被叉燒一腳踢穿，有D綠色既液體不斷由蜘蛛腹部噴出，叉燒首當其衝被綠色液體噴到全身都係，而蜘蛛掙扎左一段時間就死去。

小蝦米正想行去叉燒o個邊時，叉燒怕有毒，所以示意叫小蝦米唔好行過黎，小蝦米用繩扒回地面，而叉燒就由崖壁扒落去。

小小見叉燒同小蝦米安然無恙返落黎都鬆一口氣，叉燒帶佢地兩個到湖邊休息，而叉燒就沖洗身上綠色液體。

小蝦米問：「叉燒，你有冇覺得唔妥呀，等小小幫你睇下啦。」

叉燒望住小小說：「唔駛喇，我冇事，由咁高跌落黎都唔死得，我點會有事丫。」小小面有難色。

小蝦米說：「你為左救小小而跌落黎，你咁好人，個天唔會比你有事既。」

叉燒再望住小小說：「我救小小跌落黎？」小小面色更加難睇。

小蝦米說：「你跌落黎撞到個腦呀，咁都唔記得。」

叉燒說：「係，係呀，為左救小小跌落黎。」叉燒知道小小一定有D野，又再望一望小小，決定遲D先問清楚。

小蝦米說：「叉燒你都係比小小睇下好D。」於是叉燒為左令小蝦米安心，就比申隻手比小小。

小小幫叉燒把脈說：「應該冇事，D綠色液體應該係隻蜘蛛D血黎冇毒o既，但係有樣怪野，點解你內力比之前深厚左好多，發生左乜事？」

於是叉燒對二人講呢幾日佢發生既事，叉燒叫佢地都試下D野果，小小同小蝦米同叉燒一樣，試完都內力大增。

過左一晚之後，三人就扒繩返上谷上面。

正當叉燒同小蝦米離開錦輝崗的時侯，突然有一點寒星閃至，直飛向小蝦米渾圓的屁股。

「啊！」的一聲，小蝦米才發現叉燒剛才用迅雷不及掩耳的手法從後接住了暗器，但係叉燒被暗器所割傷流血，發覺原來磚爐一直尚未斷氣，當叉燒與小蝦米背向他的時候，用盡全身最後的氣力向小蝦米射出一支梅花標，以求同歸於盡。

磚爐虛弱地說：「雖‥雖然枝鏢飛唔中你，但係‥係你已經中、喝‥喝、左主人所創既奇毒『非典型』，所以唔‥會有人救到你架喇‥哈‥哈‥咳咳。」

小蝦米憤怒地衝去問磚爐攞解藥，只聽得磚爐喃喃自語：「蔡‥相公‥賤妾下世再黎‥服侍你‥‥」，隨即氣絶身亡。

叉燒開始腳步不穩，小蝦米扶住叉燒說：「你有冇事呀，點解你咁傻接住枝鏢呀？」

叉燒說：「我見到你有危險，唔通我見死不‥不救咩‥‥‥」叉燒己經冇晒力挨住小蝦米。

小蝦米摸一摸叉燒額頭，發覺叉燒正發高燒，小蝦米心諗：「要快D帶佢睇大夫先得。」

小蝦米扶住叉燒返置樂鎮，去搵晒所有大夫，但係所有大夫都係答同一個答案：「另請高名」。

正當小蝦米灰心之際，最後一個大夫說：「雖然我無能為力，但係距離呢到不遠既『劉皇谷』有個神醫，可能佢識醫。」

小蝦米開心說：「唔該大夫。」

大夫說：「你唔好咁開心住，聽講呢個神醫D脾氣好怪，心情唔好唔醫，心情好都唔醫，但係佢想醫你，你唔想醫佢都迫你比佢醫，同埋劉皇谷係一個好危險既地方，一唔小心你連命都冇，去唔去你自己決定。」

叉燒病情越黎越嚴重，小蝦米覺得唔可以再拖，立即趕去「劉皇谷」。劉皇谷係一個長滿竹樹同奇花異草既山谷，好少人會踏足。

小蝦米扶住叉燒進入竹林，竹林內有一陣陣奇特既香味，小蝦米行入竹林不久後，感覺到好似比人監視，四處張望，但係一個人都冇。佢地繼續行，越行越心慌，發覺D花花草草好似有眼咁，佢地行到邊都望住佢地，小蝦米扶住叉燒加快腳步，行左一陣見到一間竹盧，小蝦米上前拍門說：「請問有冇人呀？」

有一把聲從背後傳黎：「你係乜人？」

小蝦米轉頭一望，但係見唔到有人，小蝦米大聲說：「請問係唔係神醫前輩呀，我地係黎求醫架！」

「求醫？你有病呀？」神秘聲音說。

小蝦米說：「係我身邊呢個‥呢個！？」小蝦米大吃一驚，發覺叉燒竟然唔見左。小蝦米大叫：「明人不做暗事，快D出黎，你捉左我個朋友去邊，出黎呀！」

「你朋友？你邊個朋友比人捉左呀？」神秘聲音說。

小蝦米繼續大叫：「唔好扮野喇，佢同我一齊入谷，你快D放返佢出黎！」

「同你一齊入谷？係咪我呀！」神秘聲音再從小蝦米背後傳黎。

小蝦米轉頭一望，眼前情境令佢不敢想像，出現係佢眼前既竟然係精神奕奕既叉燒，小蝦米吃驚地說：「叉燒！你冇事丫嗎？你唔係中左毒o架咩？」

叉燒發出一陣鬼異既笑聲，跟住從口中噴出一陣煙霧，小蝦米感到四肢無力，意識越黎越模糊，最後暈到地上。

燒魷魚教總教建於「巴黎倫敦紐約」，其亦有多個分堂，遍佈各地。今日蔡魔頭滿面笑容兼露出閃閃生光既哨牙於後花園散步。（註：燒魷魚教明文規定，所有屬於燒魷魚教既建築物都唔可以有前花園，只可以有後花園）此時有兩名手下緊張地走進後花園。

手下甲緊張地說：「主人，不得了喇，主人！」

「人黎呀！將佢拉出去，同佢著條鐵甲褲，要佢一世玩唔到股，等你咒我不得了，未死過，哼！」蔡魔頭憤怒地說，手下甲苦苦求饒。

手下乙好小心地說：「主人，討伐大會o個邊有消息返黎。」

蔡魔頭說：「點呀，捉晒D人返黎未呀？」

手下乙說：「捉就捉晒，但係‥‥」

蔡魔頭說：「但係咩呀，快D講，你係咪都想罰埋一份。」

手下乙立即說：「係磚爐同陳冠A被殺。」

蔡魔頭憤怒說：「被殺？比邊個殺架？可惡呀！」

手下乙說：「係有兩個人殺死佢地，一個識牛油神功，令一個就唔知用乜野武功。」

蔡魔頭繼續憤怒地說：「可惡既牛油門，居然殺左我兩個愛妾，傳我命令，派人去嚴密監視牛油門，同埋集齊人馬，準備攻打牛油門。」

手下乙說：「係既主人，我盡快去辦。」

手下乙正想轉身走人時，蔡魔頭說：「咪住，你唔好走住，嘿嘿嘿嘿。」蔡魔頭露出淫邪既笑容。之後蔡魔頭其他手下就聽到慘叫聲，其他手下都知道蔡魔頭心情唔好而比佢睇中既人都會比死更難受。

「叉燒，叉燒。」小蝦米大叫。

「你醒喇。」小蝦米聽到一把女子聲音，小蝦米拍一拍自己額頭，感覺到頭很痛。

「頭痛係正常，你地兩個之前一定去過錦輝崗。」神秘女子說。

小蝦米答：「係呀，你點知。」

神秘女子笑住說：「我梗係知啦，只有曾經去過錦輝崗，再黎劉皇谷既人先會好似你地咁產生幻覺，因為錦輝崗有一種花既花粉同呢到既花發出既香味混合，就會產生毒素，好彩我發現得你地早，遲左你地連命都冇。」

小蝦米說：「唔通妳就係神醫？」

神秘女子說：「神醫！都可以咁講既。」

小蝦米說：「神醫，妳救下我朋友啦，佢中左毒，妳救下佢啦。」

神醫說：「唔好神醫前神醫後喇，我叫『劉小小』，你可以叫我小小，你朋友中既毒我未見過，應該係一種新既毒。」

小蝦米說：「係呀，係蔡魔頭新研製o架。」

小小說：「原來係蔡魔頭整既，唔怪之得咁奇怪，比D時間我，呢隻毒我要研究下，係呢你同你朋友叫乜名呀？」

小蝦米答：「我叫小蝦米而佢叫叉燒。」

小小行去替叉燒把脈，發覺叉燒脈像好亂，時快時慢，時強時弱，小小聽見叉燒呼吸聲微弱，仲發緊高燒，跟住想左一陣說：「不愧係蔡魔頭，整隻專攻肺既毒出黎，破壞中毒者肺部，令你只係為左呼吸就用晒全身力量。」

小蝦米說：「咁有冇得救呀？」

小小說：「有，但係要D時間。」

小蝦米見小小想得入神，就行左出屋外，行下行下行到一深谷前，住下一望，心想：「嘩！呢個谷深到見唔到底，跌落去實死無生。都係唔好行咁前，一陣叉錯腳跌落去就大鑊。」

小蝦米返到去，小小就說：「小蝦米，你而家去市集買個大缸返黎。」

小蝦米說：「大缸？買黎做乜？」

小小說：「你唔好問咁多啦！你係咪想叉燒死呀！」

小蝦米聽到小小咁講，即刻雞咁腳走去買。過左一陣，小蝦米抬住個缸返黎。

小小說：「你返黎o拿，將個缸放係個爐上面，跟住去打D水返黎倒滿個缸。」

小蝦米照做，跟住小小再說：「你而家去除晒叉燒D衫，放佢入個缸到，跟住點著個爐。」

小蝦米驚訝地說：「妳想煮左叉燒佢呀？」

小小答：「唔係煮，係醫，你唔好問咁多，你再去斬多D柴返黎，呢到D柴應該唔夠用，早去早回呀。」

小蝦米為左叉燒只好照做，小蝦米出到去就由窗口偷望，見到小小放左好多蜈蚣、蜘蛛、蟾蜍等，好多好多毒物落去個缸度，小蝦米即刻衝入屋內大聲說：「妳做乜呀？妳想殺死叉燒佢呀？」

小小憤怒回答：「你係咪咁煩呀，你咁唔信我，咁你帶佢走，走呀！」

小蝦米心諗叉燒唔比佢醫都係死，唯有博一博啦。小蝦米跟住說：「對唔住呀！我而家去斬柴，對唔住。」

小蝦米斬完柴返黎，見到叉燒塊面一時紅一時青，頭頂仲係咁出煙，但係又唔敢再出聲，只好坐埋一邊，坐下坐下就睡著。

「喂！」小蝦米被小小叫醒，小小說：「去買酒返黎，買多D，要倒得滿個缸o架。」小蝦米去睇下叉燒，叉燒面色好轉，心都定D，就去買酒。

小蝦米買完酒返黎就跟著小小分附，將叉燒扶出黎，倒晒D水，跟住倒返D酒落去，最後扶返叉燒入缸內。小蝦米見小小今次放好多藥材落去。

小蝦米企埋一邊，睇到叉燒實一實。過左幾個時辰，叉燒終於醒了，小蝦米走過去問：「你終於醒喇，太好喇。」

叉燒虛弱地說：「呢到係邊到，我好點會係個缸入面？」

小小說：「呢到係我屋企，你係個缸入面係為左醫你。」

叉燒說：「妳係？」

小蝦米說：「佢係神醫劉小小，我帶你黎搵佢醫你。」

叉燒說：「唔該你神醫。」

小小說：「唔駛唔該，同埋你叫我小小得喇。你再係個缸入面等多陣，你體內既毒素就會清除。」過左一陣，小蝦米扶叉燒出黎，叉燒訓係床到休息，小蝦米再去多謝小小。

第二日朝，叉燒而經行得走得，見到小蝦米仲訓緊，所以自己出屋外行下。

小小說：「你回復力都好驚人喎！你點會中左蔡魔頭既毒架？」

叉燒說：「我同小蝦米去參加討伐大會，比十男埋伏，跟住打低晒佢地，點知佢地發暗器打小蝦米，我接住個暗器，就咁中左毒喇。」

小小驚訝地說：「你打低十男！你咁後生，你師父係邊個？」

叉燒說：「機緣巧合之下，我同牛油森相遇，佢收左我做關門弟子。」

小小面有異色說：「你係牛油森既徒弟？！」

叉燒說：「係呀，有乜問題呀？」

小小說：「冇、梗係冇問題啦，你跟我黎，我帶你去一個地方。」

叉燒跟住小小去到深谷前，叉燒問小小：「你帶我黎呢到做乜？」

小小說：「帶你黎呢到係為左‥」小小突然向叉燒面上灑了一D粉末。

叉燒開始意識模糊說：「妳‥妳‥」

小小說：「你唔好怪我，怪就怪你係牛油森既徒弟。」說完將叉燒推落谷底。

叉燒在兆安鎮留多一日，就起行步向牛油門，在路上叉燒一邊練功一邊趕路，途經置樂鎮。

置樂鎮係一個人流多，商貿頻繁，每個角落都有人做買賣。叉燒看見前面不遠處有間大利客棧，決定前去稍息。

叉燒在客棧坐下，向小二點了幾道小菜，聽見隔離枱茶客談話。

茶客甲說：「呢幾日黎左好多江湖人物，唔知係咪有大件事發生？」

茶客乙說：「係呀，頭先我係市集聽到兩個江湖人講，好似話係乜乜崗搞乜討伐大會。」

茶客甲說：「討伐大會？」

茶客乙說：「咁我就唔係咁清楚喇。」

叉燒好奇之下問小二有關事情，小二說：「呢幾日的確有好多人投棧，全部都係武林中人。」

叉燒繼續問：「佢地黎做乜o架？」

小二答：「好似話聽日中午係錦輝崗上搞討伐大會。」

叉燒疑惑地續問：「討伐大會？討伐邊個呀？」

小二答：「我唔知咁多呀！我都係聽返黎。」

叉燒決定去討伐大會看個究竟，在客棧休息一晚後，第二朝，叉燒起身時發覺已接近中午，立即趕路去錦輝崗。叉燒行到一個分叉路不知行邊面，剛好前面有個人，叉燒就前去問路：「借問聲錦輝崗應該行邊條路呀？」

被問路的人回頭答叉燒說：「我都係去錦輝崗，我帶你去。」

叉燒看見此人左面下巴長了三條富貴毛非常突出，跟住就再問：「兄台你真好人，點稱呼呀？我叫叉燒。」

同行的人答：「我叫小蝦米，係呢你點解去錦輝崗呀？莫非你都係參加討伐大會？」

叉燒答：「係呀！我聽到係錦輝崗搞討伐大會，諗住去襯下熱鬧。」

二人係路上一路講一路行，不知不覺就到左錦輝崗。

叉燒到周圍觀察，看見錦輝崗有兩層空地，但係一個人都冇，而叉燒企係下層空地往上看，看見上層空地搭建了一個木台，而木台兩邊各插一枝旗幟，旗幟寫著「後庭不開花、討伐蔡魔頭」。

叉燒疑惑地說：「已經中午喇喎，點解冇人係到既？」

小蝦米答：「係喎，一個人都冇，我仲諗住會有好多人添，我地冇去錯地方呀，咁奇既！」

叉燒感到不妙，對小蝦米說：「我地快D走，有唔妥，冇理由到而家一個人都冇，走。」叉燒說完之後轉身諗住離開，發覺後面已經有十幾人擋路，叉燒轉去令一邊走時，又有十幾人出現左。

小蝦米說：「叉燒，我地太大意喇，比魔教既人包圍住先發覺唔妥，唯有打出去啦！」

「想走！冇咁易。」從魔教既人中行出兩個人，一個塊面長到落心口，一個就企都企唔直，個嘴斜斜地。

小蝦米說：「哦，原來係蔡魔頭旗下既十男。」

叉燒說：「十男？」

小蝦米回答：「十男你都唔知，十男咪就係蔡魔頭十個妾使囉，呢個塊面咁長既係『愛上隻狗磚爐』，令一個就係比蔡魔頭玩到企都企唔直，嘴都斜埋既『陳冠A』。」

叉燒說：「十男，改得好丫，名符其實十下十下咁，改得好、改得好。」

「可惡，殺左佢地兩個！」磚爐憤怒地說。磚爐一聲令下，在場魔教既卒仔開始攻向叉燒同小蝦米。

此時叉燒運用＜牛油微步＞，從魔教卒仔身邊十停穿插。係小蝦米眼中看到既叉燒只係一團快到睇唔清楚既影，而叉燒穿過D卒仔身邊，個卒仔就會訓低。叉燒終於停低而所有卒仔都訓低晒。

小蝦米驚訝地說：「叉燒，你做過D咩黎呀？點解D卒仔會訓低晒？」叉燒舉起隻手比小蝦米睇，叉燒隻手有一層野包住。

小蝦米問：「呢D咩黎架？」

叉燒答：「牛油。」

小蝦米十分驚訝地說：「牛油！唔通你識牛油神功？」叉燒點點頭。

原來叉燒一開始就運起牛油心法，將牛油溶化包住隻手，跟住再將牛油變硬，之後從每個魔教卒仔頸後一野扑落去。

叉燒說：「魔教既走狗，得返你地兩個，就一齊黎啦。」

陳冠A嘴(妙妙)地說：「只不過係打低D卒仔就咁大口氣，我都未出手。」陳冠A說完之後就一個箭步走到叉燒身邊，叉燒一掌打過佢，陳冠A彎腰閃開，再一拳打中叉燒心口，叉燒連退幾步，即時用牛油整左條牛油棍，叉燒不停揮舞，但係都被陳冠A扭腰扭去不合常理既角度避開，叉燒心想：「咁打落去唔係辦法，呢條友條腰可以咁扭法，一定要整到佢閃唔到先得。」

叉燒再攻，舉起牛油棍由上揮下去，陳冠A向後一閃，叉燒此時立即將牛油棍溶化，然後將牛油流落陳冠A條腰之後再硬化，陳冠A當堂唔郁得，叉燒趁此機會一掌打落陳冠A天靈蓋，陳冠A吐血當場死亡，但係係呢個時候磚爐手拿著刀從後直刺叉燒，叉燒來不及反應，眼見將被刺中，小蝦米見到後，一個閃身，捉住磚爐隻手，交叉踏步兼轉身，再向前一踏，駛出一招＜過肩摔＞，將磚爐凌空拋起，磚爐失去重心係跌落地時被自己拿著既刀插中，一命烏呼。

小蝦米說：「你有冇事呀？」

叉燒答謝說：「我冇事，好彩你出手快咋，唔係我就實比佢插死！」

叉燒再望小蝦米駛出＜過肩摔＞既地方，發現地下被小蝦米既隻腳踩裂左，叉燒再說：「你頭先用既係乜野招數黎架？」

小蝦米答：「我用既係叫＜過肩摔＞，係東瀛武學『空手道』其中一招。」

小蝦米從小跟黎自東瀛既「空手道」大師「也咩 爹」學習，得到「也咩 爹」大師真傳，在江湖上行走，小蝦米既朋友幫佢起左個綽號叫「江湖小混混」，因為小蝦米雖然一身空手道武藝，但係佢時常唔出手，每遇危機都胡裡胡塗化解，所以得此綽號。

叉燒對小蝦米說：「究竟討伐大會班人去晒邊呢？」

小蝦米聳聳肩說：「唔知呢！到周圍搵下啦。」

叉燒同小蝦米係錦輝崗周圍搵都冇發現，小蝦米說：「我諗班人都係兇多吉小，睇黎全部都比魔教捉晒去。」

叉燒好憤怒說：「可惡呀！魔教做咁多衰野，佢地捉咁多男人做乜？」

小蝦米說：「肯定蔡魔頭有D大陰謀。」

叉燒說：「我一定唔會放過魔教既人，小蝦米，你跟住要去邊呀，冇野做既話不如同我一齊去牛油門搵我師叔。」

小蝦米說：「好呀，我本來黎呢到都係諗住打發時間，我就同你一齊去啦。」

牛油性質滑溜，用來食用一流，更可當作潤滑劑，用途廣泛，深受大眾歡迎。牛油森本是養牛農民的兒子，自小就對牛油情有獨鐘，但因家境清貧，所以他和其弟「鐵筆偉文」被送去少林寺做俗家弟子，在他廿多歲時，決定和其弟離開少林闖蕩江湖。

牛油森在一次機緣巧合之下，碰見一名養牛的農民在製造牛油，牛油森被牛油深深吸引，他拿起牛油在掌心把玩，一不留神牛油從手中滑下，正想拾回時被令一塊牛油滑得四腳朝天，個頭仲撞中塊石，頭上滿天星斗，此時眼中出現很多武功招式，之後就暈了，到他醒來時，立即買很多牛油閉關收練，創出牛油神功。

牛油森收了叉燒做弟子之後就問他︰「叉燒，你覺得牛油係乜野黎架？」

叉燒答︰「牛油‥牛油咪用黎食囉，查麵包好好食架。」

牛油森再說︰「乜你淨係覺得牛油用黎食，咁仲有冇乜特別？」

叉燒再答︰「咁樣呀，等我諗下先‥‥牛油溶左好滑，但係硬既時候可以好硬，咁‥‥」

牛油森笑瞇瞇地說︰「睇黎你終於發現牛油既特性，明白牛油既特性係練牛油神功既第一步。而今後你要手不離牛油，連訓覺都要同牛油一齊訓，咁你先可以用牛油用得得心應手。」

叉燒說︰「我知道喇師父，我由而家開始，唔會同牛油分開，連去廁所都帶埋牛油一齊去。」

牛油森開懷大笑說︰「有前途有前途。我而家就教你牛油神功既內功心法。心法口訣係氣聚丹田，運轉大小周天‥‥」叉燒用心記著牛油森每一言每一語。

牛油森說︰「你要緊記同埋勤練牛油心法，如果牛油神功唔配合心法就有形無實，好似你食菠蘿油咁，舊包得少少牛油，你覺得點丫？」

叉燒答︰「好似差左D野咁囉！」

跟著牛油森再說︰「就係咁喇，牛油神功招式係好容易模仿，但係配合埋心法就將招式既真正力量發揮出黎。」叉燒依著牛油心法練氣，不消一刻覺得全身充滿力量。

「睇黎你已經可以隨意運用牛油心法，我而家就教你牛油神功既＜牛油微步＞。」牛油森說。

「＜牛油微步＞！？用黎走佬架？」叉燒疑惑說。

牛油森答：「你講中左其中一種用法，其實＜牛油微步＞係將牛油放係鞋底，以牛油潤滑既特性加快你既速度，呢招用途好廣。但係你唔好以為好容易掌握，掌握得唔好就會跌到爬地。」

叉燒聽完牛油森說就嘗試練習＜牛油微步＞，但係滑行不夠一尺已經跌了在地上，叉燒跌到起身再作嘗試，這次叉燒己經可以控制自如，週圍滑行。牛油森震驚，牛油森心想︰「我練呢招時都唔記得自己跌過幾多次先可以控制到，估唔到叉燒佢第二次就可以控制自如，佢既資質好到嚇死人，如果佢落入魔道，江湖就死得人多。」

牛油森說︰「果然係個練武既好材料，咁快就學識＜牛油微步＞。」

叉燒開心地說︰「多謝師父讚賞。」

牛油森再說︰「唔好開心得咁早，＜牛油微步＞只不過係基本功，而牛油神功其實係分成防守型同埋攻擊型，而對敵時將兩種型態組合，可以變化萬千、攻無不克。」

叉燒不明說︰「防守型？攻擊型？」

牛油森解釋︰「其實兩種型態係同一種道理，都係運用牛油黎攻擊同埋防守，只不過係對敵時應該幾時用攻、幾時用守。」

叉燒說︰「原來係咁，我大至上都明白，但係點樣用牛油呀？」

牛油森再解釋︰「呢個就係Main point喇，牛油心法係可以將牛油隨意變化，令到牛油變硬變軟隨心所欲。」叉燒仿然大悟。

跟著這一個月來，叉燒在牛油森指點下不斷收練，已經學會牛油神功，將神功運用自如。

牛油森對叉燒說︰「叉燒，你己經盡得我既真傳，係道別既時候喇。」

叉燒傷心地說︰「師父，點解要分開呀？係唔係我做錯野呀？如果我做錯，我改丫，你唔走得唔得呀？」

牛油森說︰「你冇做錯，你我相遇係緣份，而我知你有重要既事去做，所以你去做你既事，我繼續我既雲遊。但係你幫我做一件事，就係去牛油門搵我細佬鐵筆偉文，通知佢要小心蔡魔頭。」

叉燒說︰「師父，我知道喇，我會去通知師叔。」

牛油森話完就揚袖而去，留下傷心的叉燒。

「武林至尊、巨棍屠股、臣服後庭、莫敢不從。神蕉擎天、誰與爭鋒。」自故以來中原武林用這六句形容「屠股棍」與「擎天蕉」。

這兩把神兵是由前朝鎮守邊關的「郭賤」同「薯蓉」為對抗外族所鑄，神兵一成，令外族數十年不能入侵中原。但前朝皇帝只顧享樂，誤信奸臣，殺害忠良。令到「郭賤」與「薯蓉」對此昏君心灰意冷，遠走他鄉，從此消聲匿跡，但兩把神兵卻流落民間，從此成為武林的禍端．．．．

數百年後的一個早上，一個偏僻的小鎮，兆安鎮的捕快「苗蛇」看見遠處有一頂八人大轎同埋一大班騎著馬，個個樣衰口臭，手握寫上蔡字旗幟的人馬，奔向兆安鎮。

「大‥大獲，係蔡魔頭。」苗蛇手忙腳亂心慌慌跑返入屋，「仔，你快D由後門走去後山哩埋，我遲D去搵你。」

「爹，你做乜面青青同埋點解我要去後山哩埋呀？」叉燒詢問。

「你唔好問咁多！叫你走你就走啦！」苗蛇大喝。

「係！爹。」叉燒立即雞咁腳由後門走去。叉燒好快就走到後山哩埋，到左第二朝，叉燒等左好耐都唔見佢義父黎搵佢，所以決定返去搵佢老豆。

叉燒回到兆安鎮時，發覺有異，只見鎮內得返D女人，所有男人唔見晒。叉燒見到隔離屋張大媽，立即上前問個究竟，「張大媽，發生乜事，點解鎮上D男人唔見晒，我爹係邊呀？」

張大媽淚流滿面答︰「嗚‥‥琴日朝早有一大班人衝入鎮內，見男人就捉，你義父走去阻止，跟住打起上黎，嗚‥打左成個時辰班衰人都埋唔到你義父身，嗚‥‥‥之後聽到轎內有人大喝︰『成班正一飯桶黎，對付一個人都唔掂，全部同我退下。』跟住轎內行出一個帶面具，一身白色菊花牌背心，皮質小熱褲，只係露出一彭閃閃發光既哨牙既人，好快咁將你爹打低。嗚‥‥‥」張大媽講到呢到以經哭成淚人，再講唔到落去。

叉燒好緊張立即追問︰「之後點呀？張大媽，你唔好喊住啦，之後究竟點呀？」

張大媽一邊喊一邊答︰「嗚‥個牙閃閃既人將你爹打低之後，就捉起佢講左一D野，佢講嗚‥講得好細聲，聽唔到佢講乜，只係聽到你爹好大聲咁話。『蔡魔頭，發你個春秋大夢，我點都唔會講比你知，吥。』嗚‥你爹叫果個牙閃閃既人做蔡魔頭，我先知原來就係燒魷魚教教主蔡魔王，個魔頭好憤怒咁點左你爹既穴道拋比D手下同埋入左你屋企。蔡魔頭R曬頭咁出返黎之後就叫手下捉晒D男人走。」

叉燒好憤怒，仰天狂叫，走返屋企，發覺屋企D野亂晒，好似比人爆格咁，但係又冇野比人偷左。跟住叉燒發現苗蛇床下底有本「蛇貓狗」，就拎起黎，心想：「咿～！係「蛇貓狗」一千期特別記念珍藏版？！．．哼！爹竟然收得咁埋唔俾我知！」，點知就有封信由本「蛇貓狗」內跌左出黎，叉燒打開封信睇。（註：「蛇貓狗」乃當時最暢銷之春宮圖集，傳聞皇上亦是其忠實讀者）

「叉燒乖仔，你睇到呢封信時，我諗我以經比兇多吉少，蔡魔頭今次黎既主要目的係搵擎天蕉，其次係男人。我唔知點解蔡魔頭知道我有埋藏擎天蕉既地圖，幅地圖係我拾你返黎時，係你個籃到發現，所以你並唔係我親生既，我諗你既身世同擎天蕉有關，而幅地圖我以經收埋係後山棵杉樹下面，以你而家既武功絕對唔係蔡魔頭既對手，所以千其唔好搵佢報仇，你要找個地方好好咁生活落去，希望你幸福，再見喇乖仔。苗蛇。」

叉燒訝異自己身世竟然同擎天蕉有關，又同時佩服苗蛇既智慧，知道蔡魔頭只對男人有興趣，居然收埋封信係本「蛇貓狗」入面，蔡魔頭梗係唔會理會本「蛇貓狗」。

於是叉燒決定先去搵擎天蕉，再去救苗蛇，收拾行裝向後山進發。叉燒去到後山，幾經辛苦終於搵到埋藏地圖棵杉樹，仲搵到地圖。依地圖所示，擎天蕉埋藏係海外的一個孤島上。叉燒就向碼頭進發。

在途中，叉燒看見有一個白眉白鬚既老人家企係懸崖邊，而身後十尺有一班人鬼鬼鼠鼠地接近，叉燒見情況不妙立即提醒老人家︰「老人家，小心身後有人偷襲！」

老人家慢慢轉身說︰「唉！估唔到黎到呢度都有蔡魔頭既人。」

這班鬼鼠的人見偷襲不成，張弓拔劍衝前進攻，說時遲那時快，老人家從袖裡取出一塊白色的東西向外飛出，神奇的事發生，蔡魔頭的人全部腳步不穩，不斷滑向懸崖，最終這班人全部投向死神的懷抱。

叉燒疑惑地望著老人家，心想老人家從袖裡取出什麼東西，竟可令偷襲的人腳步不穩。老人家慢步走向叉燒，開口對叉燒說︰「多謝你提醒我，我頭先企係度諗野諗到入晒神，後生仔，你叫乜名？」

叉燒回答︰「我叫叉燒，咁你叫乜名？點解會係呢度既？」

老人家回答︰「我叫牛油森，我雲遊四海，黎到呢度，點知呢度都會有蔡魔頭既手下，唉！」老人家嘆氣。

叉燒驚訝說︰「牛油森！我好仰慕你架，冇諗過會係呢度見到你。」

牛油森說︰「你知道我係邊個？估唔到黎到咁偏僻既地方都有人識我。」

叉燒自少從苗蛇口中，知道不少江湖各門各派既事蹟，而當中叉燒最仰慕既係牛油門既開山祖先「牛油森」，牛油森從牛油中得到啓發創出「牛油神功」，由其曾以一片牛油滑低八大邪教高手。

叉燒開心說︰「你既事係我義父話‥」叉燒想起義父被蔡魔頭捉去，不禁說不出話來。

牛油森問叉燒︰「做乜講講下冇晒聲，點解咁唔開心，你義父係邊個？」

叉燒說︰「我義父叫苗蛇，係兆安鎮既捕快。」

牛油森想了一陣子說︰「哦，原來曾經係幾十萬禁軍教頭既苗蛇係你義父，佢都係一個正直既人。」

苗蛇曾經是八十萬禁軍教頭，只不過在職時撞破國師和小太監胡混，為了補命，所以向皇上辭去禁軍教頭一職，回到家鄉做一個小捕快。

牛油森說︰「帶我去見你義父，我都想見一見佢。」

叉燒此時很激動，向牛油森說出苗蛇被蔡魔頭捉去。

牛油森嘆息道︰「如果我早D黎到，同你義父一齊對付蔡魔頭，可能你義父就唔會比蔡魔頭捉走。不如咁啦，你我都幾有緣，見你骨格精奇，係一個練武既好材料，我就收你做關門弟子，傳你牛油神功，等你早日救返你義父。」

叉燒開心得即時下跪拜師。

.

肥基 - 為現代武俠小說「別開生面」的重量級作家，以令人耳目一新的文筆與意境，將武俠文學推上了一個新的高峰。肥基以獨闢蹊徑的文字，加上生鬼惹笑的廣東話式寫法，寫出石破天驚的故事。他是被公認為繼金庸、古龍之後的新一代武俠小說巨擘。

by 小蝦米